ام الغلاء

ياعينها ناجيت طيفك مناجاه = من يوم غبتي والشقا في رصيدي
هذي سنه مرت على يوم فرقاه = باكر بطفي جمرة الحزن بأيدي
باكر بعزي شوق قلبي وبنعاه = مات الامل فيني ولا به جديدي
لو هو ذكر حبي ما كان جاراه = تفكيره الضايع وراسن عنيدي
لو هو يحب بصدق والله للقاه= على الدروب اللي توصل بريدي
ولو فيه رحمه كان ماشفت يمناه = تضرب بسيف الهجر تقطع وريدي
ولو كانت الذكرى بقلبه وش انساه = قصة غرامن كان فيها يشيدي
وياكثرها اللوات وياكبر جفواه= وش عاد ينفع لو ابشرح وازيدي
قلبي كما جمره على جال حمراه = وقلبه كما ثلجه بوسط الجليدي
اخلصت له واوفيت وادور ارضاه=وابدعت له بالقاف شعر ونشيدي
عطيت حبن لو صدق معه ارواه= حنان يغمر دنيته مايبيدي
لكن هجرانه ونكران ما جاه= اغتال عشق في مهاده وليدي
اجهز عليه وبسمته في محياه=اجهز عليه وكن فعله مجيدي
باكر بعزي شوق قلبي وبنعاه=واعلن حداد اخلده في قصيدي
مضمونه ان الحب لاعاد طرياه=قفلت بابه وانتهى من رصيدي[/poem]